Ez çawa alîkarî bigrim?

Giring e ku mirov zanibe mafên mirov çi ne û her weha zanibe ku eger mafên mirov ji mirov bên standin hingê mirov marûzê sûcek hatîye kirin. Welew ku tu nizanibî jî ku mafên te çi ne, ne xeletîya te ye eger kesekî dî rûmeta te û mafên te bişkîne.

Lê eger tu zanibî ku mafê te yê girtina alîkarîyê heye, hingê hêsantir e ku tu mesela ji karbidestîyek alîkarî bigrî! Her weha giring e mirov zanibe ku jibo girtina alîkarîyê berê xwe bide kîjan cî. Gelek kes ditirsin ku ji polês yan jî ji sosyalê alîkarî bixwazin, ji ber ku nizanin hingê dê çi bê kirin û ne ewle ne ku ji problema wan tam bê famkirin. Rast e ku polês û sosyal baş nizanin dê li ser şîddetên jibo namûsê û mafên ciwanan çawa bixebitin, lê yek ji amancên projeya bi navê “Mesele mesela evînê ye” (bi Swêdî: Det handlar om kärlek) ew e ku famkirin û zanîna karbidestîyên cuda cuda yên civatê zêde bibe.