Teklje pravilja

Tu isi tut pravo korkori te birene to životi! Nijek aver manuš nane lje pravo te sudini tuke kas tu ka mange ja sar tu ka živine to životi. Teklje prava radinipe ando teklje potrebe, na ando tekjle porodicake ja familijake.

Tu isi tut pravo te birine korkori kas tu mangeja hem kasa mangeja te ovel tut seks  bilo murš ja đuvjli! Tu isi tut pravo te na ove ponižimi hem pravo te vakere , misline, te izgledine hem te osetine sar tu korkori mangeja. Toklo telo hem to seksualnost pripadini tuče hem niko aver nane lje pravo te pipini tut bizo tiklji dozvola.

Tu so injan telu 18 bers značini praktički da te starateljija(odova ko odgovorini tuke večnom dad hem daj) na sminena te odlučinen sar tu te osetine hem misline, ja da tu nikada na ne tut pravo ko slobodno vreme te ikljove amaljencar. Normalno da o dad hem e daj šaj te čiven razumno vreme đzi keda te aveče kere, te čerelpe o domači i da nane odgovorno oljendar te muken tut avrijal celo rat. Međutin isi ljen sa o čavore hem o terne pravo ko bezbednost hem bovljipa. Odova dobinipe taro poverenje, mangipa, skoljiba, te družine tut manušencar, te đa ko bioskop, te đa ko kafičija, te čhelje futbal, te sikljove te plivine itd.

Nažalost amen đanaja da but čavore hem terne nane ljen prava te vakeren, te osetinen hem te živinen sar on mangena. But doživinena da o kanunija baš na važinena oljenđe ili oljenđe familijače. But doživinen da tane on nevidljiva aso druzipa  hem živinena ko duj dinjaje kaj isi skroz različita pravilja sar te ponašinenpe. Šaj hijan tu  zaljubimi, hem osetinejai ko celo snaga, ali tu đaneja da tu nikad našti te motove odova. Šaj tu hinjan jek terni čaj so nasmineja te družine tut te amaljinja zbog so isi ola jek phral, ja šaj tu lađaja zbog so to dad hem ti daj isilen zloupotreba. Amen đanaja da tumen postojinena! Amen but ijam so čeraja buti ko organizacije hem ko vlasti, so zajedno mangaja te promenina ti situacija. Odola pravilja so važinena e čavorenege, važinena SA e čavorenge. Onda na ne veze dali tu živineja ki Malme ja ki Haparanda, ja čak ako tu živineja ki aver phuv.

Akava deo andi vebsajt radinipe ando tekle manušeske prava. Isi upisimo ko internacionalna dokumentia, so but phuvja potpisujepe. Šaj te ovel hari pharo det razuminipe sar o manušenge pravilja tane povezime, ja okova so važini sar kanuni. Ki akija rig šaj te čitine savo pravo isi tut. Šaj te puče jeke učitelje ja disave bare manuše upro kaste isi tut poverenje.