Soj odova ako upotrebinena nasilje hem ugnjetavanje zbog e ladz?
Na tromaš te živine sar tu mangeja? Čivena granice ti porodica/fameljija sar te urave tut, kasa te družine tut, ko save predmetija tu tromaš te učestvojine ki škola, kasa tut te phrandinen? Pratini tut neko andi ti fameljija? Kazninena tut ako na poštojinea e familjijako redo? Na osetineja da tuche vazini Šveckako kanuni ,teklja životno situacija?
Nekase so desinipe diso ando akala buča šaj te ovel izložimo za nasilje hem ugnjetavanje zbog e ladz. Šaj te izgledini averčane savo redo mora te poštuinipe hem ko kazne šaj te ovel razlika. Akava tano važno te đane da nane bitno sostar zavisini so upotrebinena sila hem povrede. Na postoini nisavi odbrana ked e čhavorengo hem e ternengo pravo prekršinipe! Jek životo bizo sila hem ugnjetavanje sarinen isi ljen pravo ko odova. Nane važno sar amen odova vičinaja, nego tu sar terno te ovel tut jek životo bizo sila hem ugnjetavanje HEM da tu te ičere to životo hem ti budućnost ko te vas.
“Ponekad šaj o manuš te pučel korkori pes šaj me na hijum u pravo- ako celo fameljija ačhikare misljini šaj on isi ljen pravo. Šaj li čače te ovel da 40-50 đene nane u pravo?”
Penđa jek čaj ando 18 bers.
Na! E greška na ne koro tute, e greška tani ki ti familjija so ičerena ki kupa hem so pratinena o tradicije hem o redo so đala protiv o kanunija hem teklje manušeske prava. Kontrole dali o čhaja tane nevina.Ki jek kultura kaj e ladz but važno hem e porodicaki/familjijaki ladz zavisini ando čhajengo hem e đuvljengo seksualno ponasanje. Jek čaj ked ženinipe mora te ovel nevino hem mora te ovel prešundi sar “šukar” čaj. Večinom dosta te šunđol jek lošno lafi da te rumini e familjijaki ladz- hem nane bitno dalji odova čače ulo nego samo so ikljislo lošno lafi šaj te čerel da te kazninipe e čaja. Te oven sigurna da e porodicake/familjijake čhaja hem đuvlja ta ne “šukar” ovena kontrolime ando avera andi porodica hem fameljija. Odova šaj te ovel kontrole ko životi sa ograničenjima ando save šeja o čhaja akarena hem save amalencar hem amalinkencar on družinenape hem kontrola hem ograničenja ando glavna pitanje, sar ando so te birine te školojinen tut hem tumaro brako.
Obično phenlape da odova tano jek kolektivno nasilje. Odova značini da šaj te oven više prestupnika ( odola so čerena odola buča, naprimer te kuven nekas) ja da but đene đanena da pretnje hem nasilje ovena hem on ništa na čerena odoljese. Isi pravila za sar šaj te ponašinamen i ako na poštujinena odola pravila odova šaj te značini različite vrste kažnjavanja.
E slika upre ilustrujini sar o životno prostor smajinipe beršencar e čhajenđe so živinena ki jek familjija so isiljen norme andi ladz. Odova obično ovela ko puberteti so vazden ograničavanja e čhajenđe, da bi te kontrolinen olako seksualnost.
Nekoj te ljel tutar to manusheskoro pravo zbog e ftira shaj te znacini…….
- Te na tromaš te uravelpe sar mangela – ja te čhiven tut zorija te akare disave šeja
- Te na tromaš te te ikljove avri
- Te na tromaš te družine tut amalencar hem amalinkercar
- Te na tromaš te prandine tut kasa tu mangeja
- Te na tromaš te ove ko stanje te odlucine ando to telo, to životi hem toklo seksualnost
- Uvek te ove čuvimo hem kontrolišimo
- Te na tromaš te nastavine te studirine dalje, ja te tromaš te studirine samo kaj ti porodica bešel
- Te ove kontrolišimo andi ti porodica/familjija so isi ljen po buter moč nego tu
Murša hem oljengi ladz
Hem ako o terne čhave isi ljen po buter sloboda hem pravo nego o čhaja ama čivena hem oljen da te mislinen hem te poštuinen e ladz. On mora ponekad te kontrolišinen hem te kazninen pe phenjen, tetkonengere hem e kakonengere čhajen hem dajen čak i ako on odova na mangena. E muršen šaj te čiven sila te ženinenpe pretiv oljengi volja nekasa kas i porodica/familjija izbirinđa. On šaj te oven činavde andi familjija hem te oven marde ako on nane hetero seksualan. Mangeja pobuter te čitine andi ladz hem homo seksualitet šaj te čere akate. Isi dugme za paniku ako mange sigate te ačave e stranica.