Maria

“Me platindžum uči cena da bi te šaj te dobinav mli sloboda, hem me na perava pišmani so čerdžum odova korako. I policija čerdža jekh but šuži buti hem vakerdže so me čače sijum važno hem so ola mangle te zaštitinen man ko sa o čhanija. Ola dindže man poverenje da me te osetina man sigurno hem ked ola nane odote.”

I Marija ačadža ple familija ko odova dive ked završindža i gimnazija.Dži tegani sine oj mardi hem kontrolirimi dugačko vreme, ali keda oj arakhlja pes jekhe švedsko čhaveja uli olakiri situacija nestabilno. Džikote oj bajrola sine samo olako dad sine o jedino so na mardža e Maria.

” Nadžanava baš soske, ali ov stalno phenela sine da me sijum zoralji šeresiri hem da me but džanava. Me na pakhjava/verujnava da ov man smeinela sine  te marelma, me šaj sine te dav vika upro leste bizo te na marelma.”

E Mariaki daj čerela sine uvek sar olako dad mangela sine hem phenela sine. O dad olakoro šaj sine te ovel disave dive šukar ama butfar marela sine but olakere phralen hem olakere daja. I Maria sine uvek sekrimi ked džala sine te sovel odoleske so darala sine te na sovel but hor da bi te šaj te šunel keda olako dad marela sine olake daja hem da  bi ov te na mudarel ola ked sarine tari familija sovena sine. E Mariako phral isto darala sine but olestar.

Ked i Maria počmindža ki gimnazija na smeini sine te birinel ki savi škola oj mangela te džal. Olakiri daj manglja oj te džal i isto škola kaj olakere jeri džana sine, da bi ola te šaj te pazinen e Maria. Ama oj birindža odoja škola so mangela sine te džal a ple dajake, vakerdža so ki odoja škola so i daj brindža na sine thana sa sine pherdi. Keda počmindža ki gimnazija arakhela pes sine jekhe švedsko čhaveja kova so džala sine olaja ki isto škola.Oj počmindža te arakhel pes oleja hem na nakhlja but vreme džikote oj but  zamanglja ole. Ov sine e Mariako avgo/prvo kamlo. Palo disavo masek šundža olakiri familija taro jekh jeri so oj arakhela pes jekhe švedsko čhaveja. Olakere jeri holjandže but hem počmindže te pretinen olake hem lakere kamleske. Ola maltretirindže oleda butfar. I Maria mukhlja ple kamle da bi te zaštitinel ole. I kontrola samo bajrola sine pobut a odolea hem olakiri dar. I Maria sine izložimi ko but maltretiribe taro ple jeri. Jekh olendar počmindža te vozinel ola ki škola hem tari škola khere da bi ovena ole pobut kontrola upro olate.

“O razlog soske man absolutno na mukhle te ovel man kamlo tano odoleske so jekh čhaj valjani te ikljol čhaj ked ka prandinel pes premalo amare tradicije. Odova tano but važno ako I čhaj na ikljola čhaj isi e čhave pravo te iranila ki olakiri familija tajsatno dive palo bijav. Me setinavama da mi daj hem olakiri amalin butfar kerena sine odova lafi.Jekh dive šundžum olen sar vačerdže da sar šaj te dikhel pes ako odova tano pravo rat ko čaršafi hem so i čhaj na hovadža so tani čhaj.”

E Maria sinela but mislie taro plo dživdipe hem nadžandža kaste valjani te iranel pes da bi te šaj te dobini pomoč te ikljol tari akaja situacija. Disave dive angleder te završinel pli gimnazija olakoro kako mardžala.

” Ov čerdža man me te osetinama sar jekh kurva hem mi daj našti sine te kontrolirinel man.”

I Maria uli panda posigurno so oj namangela te dživdinel plo dživdipe adžehare. Oj osetinela sine so nakašti te zadovolinel ple jeriaskere uslovia. Angleder te džal ko plo kako odova dive vičindža hem vačerdža ple mentoreja ki škola soske oj darala sine so olakoro kako šaj te čerel olaja. Olako mentor vičija ko direktor a o ov vičindža  džikaste taro disavo zaštitno kher. Palo duj dive sar so ulo odova olakere kakoja arakhlja pes i Marija jekhe dženeja taro odova zaštitno kher, Kristina. I Maria dikhlja odma so i Kristina haljola ola hem oj dobija hrabrost te ačhavel ple familija.

Keda završindža i gimnazija pomožindža i policia e Maria te džal ko jekh zaštitimo kher te dživdinel.Oj osetindža so oj šaj te vačeri olencar ked mangela hem da ola tane stalno odothe te šunenla. Ko početko sine lake pharo te sovel korkori hem tegani avela sine džiko te sovel uzo late. Palo odova oj selisalili ko jekh zaštitimo kher ko jekh javer diz, ama odote nasine olake hič šukar. I Maria osetinela sine odolen so kerena buti odothe darana sine olakere situacijake hem ola nadžanena sine so te keren. E Maria podržinelala sine celo vrema i Kristina. Keda sine lake najpharo tegani dželji oj khere ki Kristina hem džividindža ki late.

”But sine mange šukar, soske me uljum jekh člani tari olakiri familija. Me na osetinava man sine korkori hem odova but značindža te ovel tut stalno džiko kasaja so ka šaj te kere lafi so ka haljovel tut hem ka grižini pes tuke. Te šaj te ove jekh kotor taro svako diveskoro dživdipe/životo hem te osetine so tu pripadineja odothe.Odova čerdža da me osetinav man pobuter sigurno da me pravilno odlučijum, odoleske so oj dživdinela sine mangava sine hem me te dživdinav mle familijaja ponodori.”

Odote doživindža i Maria jekh javer čhani sar o manuša vačerena e čhavencar; savo glaso upotrebinena hem da šunena soj javera isi len te phenen, hem ako ola na odlučinena sa. O vozrasna manuša vakerena sine maškaro peste taro javer buča sar so nikad na vakerdže pes khere ki late. Ako i Maria prandinela pes jekhe romea so olakri familija binindža tegani na ka omogučinel pes olake te ovel odoja daj so oj mangela te ovel.

” Tegani sine celo mli familija so odlučinela sine sar me valjani te ovav tegani me ka ovav sine sar mli daj. Me dendžum lafi korkori mange so me nikad na bi ovava sar olate.”

Odova so i Maria mangela tano jekh dive te arakhel pes ple familijaja bizo te zorlajnenla te kerel olengere rodibe. Oj mangela te arakhel pes  olencar jekh dive bizo te prilagodinel pes ki lende celo vreme hem ola te prihvatinen olakere odluke taro olakoro dživdipe. Ko odova dive i Maria nadinela pes sine so oj sine but zorali hem na bi darala olendar pobuter nego sine odobor sigurno ki peste so oj šaj te vačeri protiv olende.

” Jekh heroj nane mange džiko so šaj te akharel jekh vozi ja palem so šaj te urjal.I policija hem i Kristina, kasa me dži avdive isima kontakti, tane mle prava heroija. Nane but asavke manuša ko akava sveto, ama ola tane othe/postoinena.”

  • I Maria ko čačipe akharela pes javerčhane.

Dži ki tute so isi tut posebna doživljaja taro ungetibe, zorlajbe hem maribe ja palem diso javer – le i šansa hem vačer odole manušencar soj tane ki ti škola ko projekti Det handlar om kärlek (Kerela pes bašo o mangipe). Odola tane manuša so lena than bašo  tumare pravia/hakia! Ja palem čhatujinen amencar ko amaro msn-čhat. Dikhen i informacija ki desno strana.

 

Vazno phendzaripe

SOS Alarm

112

www.sosalarm.se

BRIS

116 111

www.bris.se

Polisen

114 14

www.polisen.se

Rädda barnen

www.rb.se

Ungdomsmottagningen

www.umo.se

Kvinnofridlinjen

020-50 50 50

Tjejjouren

www.tjejjouren.se

Kvinnojouren

www.kvinnojouren.se