Söker du efter lokal kontakt?

بەم شێوەیە دەتوانی پێوەندی بكەی

ئایە ڕوو لەكوێ بكەم ئهگەر ڕێز نەگیرا لە مافەكانم؟

ئایە لە دۆخێكی تەنگاوییت؟ تەلەفۆنبكە بۆ پۆلیس بۆ ژمارە 1121

بێجگە لەو دەستەڵاتانەی كۆمەك و یارمەتیی، كە لە خوارەوە نووسراون، هەموو شارەوانییە ئهركی لەسەرە و بەرپرسە لە كۆمەككردن و یارمەتییدانی كەسانێ كە تووشی زەبر بوونە، بۆیە دەتوانیتیش پێوەندیبكەی بە پۆلیسی شارەوانييەكەت، خزمەتگوزاریی كۆمەڵایەتیی یان نەخۆشڤانێكی/ڕاوێژكارێكی كۆمەڵایەتی لە خوێندنگاكەت.

هەندێ لە ئهو ماڵپەڕانەی خوارەوە دوگمەی پەشۆكانی نیە تا بتوانی بە زووترین كات لاپەڕەكە بەجێبهێڵی.

بریس BRIS

بریس ڕێكخراوەیەكە بۆ منداڵانێ كە ژیانیان ناخۆشە و ئهمەیش دەكەوێتە سەر پێویستییان. تۆ كە تەمەنت تا دەگاتە 18 ساڵ، دەتوانی بەنەناسراوی تەلەفۆنبكەی و قسەبكەی لەگەڵ پێگەیشتوویەكدا لە بریس. لە ناو خەرجنامەی تەلەفۆنەكەت هەرگیز دیارنادا كە تۆ تەلەفۆنت كردووە بۆ تەلەفۆنی كۆمەككردنی منداڵ و بریس پارەی ئاخافتنی تەلەفۆنەكە دەدا. هەموو پێگەیشتوویە لە تەلەفۆنی یارمەتیی منداڵ، ئهركی دەرنەخستنی نهێنییان هەیە.

تەلەفۆنی یارمەتیی منداڵ: 116 111 ماڵپەڕwww.bris.se :

كێشكی ژن و كچ Kvinno- och tjejjourer

دەتوانی تەلەفۆن بكەی بۆ كێشكی ژن و كچ بەنەناسراوی. هەموو ژنانی كێشك ئەركی دەرنەخستنی نهێنییان هەیە.
شوێنەكانی وێب: یەكێتیی سەراسەری كێشكی ژنانی سوێد: www.kvinnojour.com
ڕێكخراوی سەراسەری كێشكی ژنان و كچان لە سوێد: www.roks.se
كێشكی كچان: www.tjejjouren.se

پێشوازیگای لیننا Linna-mottagningen

پێشوازیگای لیننا بۆ ئهو لاوانەن كە تەمەنیان 25-13 ساڵە و تووشی ستەم یان هەڕەشە یان زەبری پێوەندار بە شەرەفەوە، بوونە.
تەلەفۆنی كێشك: 020-40 70 40
www.kvinnonet.net

ر ف س ل RFSL

(ر ف س ل) ئامۆژگاریی سكۆنە (RFSL Rådgivningen Skåne)كۆمەك و ئامۆژگاریی دەكا بۆ ئهو كەسە كە تووشی زەبری پێوەندار بە شەرەفەوە بووە بە هۆی خەسڵەتی سەكسییەوە. كێشكێكی تەلەفۆنیان هەیە و دەستدەكەن بە گرووپێكی كۆمەك.
ماڵپەڕ: www.heder.nu

یەكێتیی لاوانی خاجی سوور Röda Korsets ungdomsförbund

یەكێتیی لاوانی خاجی سوور كاروباری هاوڕیی كێشكدار(Jourhavande Kompis) دەباتەڕێوە كە یەكسەرە كاردەكا لەگەڵ دڵنیایی منداڵ و لاواندا. كێشكێكی تەلەفۆنیە كە بۆ ئهوێ دەتوانی تەلەفۆنبكەی بەنەناسراوی كاتێ پێویستیت هەیە به قسەكردن لەگەڵ یەكێكدا. ئهوانە كە وەڵامدەدەنەوە، گەنجن و بەتەواوەتی ئەركی دەرنەخستنی نهێنییان هەیە. هاوڕیی كێشكدار: 020-222 444
ماڵپەڕ: www.rkuf.se

كێشكی خوشك سۆمایاSysterjouren Somaya

كێشكی خوشك سۆمایا كێشكێكی ژنانەیە، كە زیاتر لە دە ساڵە خاوەنی ئهزموونە، بەتایبەت لە چاوپێكەوتنی ژنانێ، كە بەڕەچەڵەك بێگانەن و ژنانێك كە پێشینەیان موسڵمانە. ئهوان ئامۆژگاریی و كۆمەك و یارمەتیی پێشكەشدەكەن بۆ یارمەتیی خۆیی لە ڕێگای تەلەفۆنی كێشكەكەوە، كە كراوەتەوە لە هەموو ڕۆژەكان لە كاتژمێر 16-9. سێ شوێنی زندەگیی پارێزراویان هەیە، كە یەكێكیان بەتایبەت بۆ ژنانێكە كە گرفتی پێوەندار بە شەرەفیان هەیە. قسەدەكەن بە زیاتر لە30 زمان. تەلەفۆن: 020-81 82 83 ماڵپەڕ: www.somaya.se

چارێكیتر بیربكەرەوە! Tänk om!

چارێكیتر بیربكەرەوە! كۆمەڵەیەكی ئیدیالیە كە لە ساڵی 2009 دامەزراوە بۆ كاركردن لەگەڵ ئاگاداریی، زانیاریی، ئاخافتن و تیماركردنی كەسانێ كە تووشی ستەم و زەبری پێوەندار بە شەرەفەوە، بوونە. لە پێش هەموو شتێكەوە، چارێكیتر بیربكەرەوە! وەكو كۆمەڵە، بایەخدەداتە پرسی زەبری پێوەندار بە شەرەفەوە، گرفتی بادە و ناركۆتیكا، تاوانكردن، خۆڕووخاندن و بەرزكردنەوەی چەسپاندنی شیاویان.
زۆرتر بخوێنەوە لە www.tankom.net یان پێوەندیبكە پێیانەوە بەهۆی تەلەفۆن 0736-98 23 82.

هێڵی ئارامی ژنانی نەتەوەیی Nationella Kvinnofridslinjen

تەلەفۆنی كۆمەك و یارمەتیی نەتەوەیی هەموو كاتێ كراوەیە. تەلەفۆنكردن بۆی بە خۆڕاییە و تۆ مافت هەیە نەناسراو بی. بواری كۆمەككردن هەیە بە زمانی جۆراوجۆر. دەتوانرێ سەردانت لە ماڵپەڕەكەیان، بشاردرێتەوە. تەلەفۆنی كێشك: 020- 50 50 50 ، ماڵپەڕ: www.kvinnofridslinjen.se

تەلەفۆنی كۆمەك لە بارەی زەبری پێوەندار بە شەرەفەوەStödtelefon om hedersrelaterat våld

تەلەفۆنێكی ئامۆژگاریی و كۆمەكە بۆ ئهو كەسە دەخوازێ قسەبكا لە بارەی زەبر، هەڕەشە و كۆنترۆڵ بە ناوی شەرەفەوە. تەلەفۆنەكە كراوەیە بۆ هەموو كەسێكى لێقەوماو، كەسوكار، هاوڕێ و خەڵكیتر، كە دەخوازن پرسیاربكەن لە كارمەندان، كە ئهزموونێكی دوورودرێژیان هەیە. بەرپرسی تەلەفۆنی كۆمەك، چاوەدێریی بەرەبەیانە Gryning Vård.
تەلەفۆنبكە بۆ ژمارە 020-25 85 85 لە ڕۆژانی ئاسایی لە نێوان كاتژمێری 18.00-14.00

پرسی كوڕان Killfrågor

پرسی كوڕان ئاخافتنگایەكی كۆمەكیە كە بایەخدەداتە كوڕ. كوڕ و ئهوانە كە هەستدەكەن كوڕن، دەتوانن ڕووبكەنە:
www.killfragor.se

پەیوەندی گرینگ

SOS Alarm

112

www.sosalarm.se

BRIS

116 111

www.bris.se

Polisen

114 14

www.polisen.se

Rädda barnen

www.rb.se

Ungdomsmottagningen

www.umo.se

Kvinnofridlinjen

020-50 50 50

Tjejjouren

www.tjejjouren.se

Kvinnojouren

www.kvinnojouren.se